ՄԵՀՐԱԲՅԱՆ ԱՇԽԱՐՀԱԲԵԿ ՀՄԱՅԱԿԻ
ԱՇԽԱՐՀԱԲԵԿ ՄԵՀՐԱԲՅԱՆ
Աշխարհաբեկ Հմայակի Մեհրաբյանը ծնվել է 1948 թվականի ապրիլի 17-ին ՀՀ
Կոտայքի մարզի Գեղաշեն գյուղում (նախկինում՝ ՀՍՍՀ Աբովյանի շրջան, Հրազդան):
Սկզբնական կրթությունն ստացել է տեղի միջնակարգ դպրոցում: Ընդունվել է
1955-1956 ուստարում և ավարտել այն 1965-1966-ին:
1968 թվականին ընդունվել է Երևանի բժշկական ուսումնարան, 1971-ին ավար-
տել գերազանցության դիպլոմով և նույն թվականին էլ, հանձնելով մեկ քննություն,
նա ընդունվել է Երևանի Մխիթար Հերացու անվան բժշկական համալսարանի բուժա-
կան ֆակուլտետ: 1977թվին ավարտել է համալսարանը, ընդունվել մագիստրատուրա
(կլինիկական օրդինատուրա), ավարտել այն 1979-ին:
1979 թվականին երիտասարդ բժիշկը աշխատանքի է ընդունվել Աբովյանի շրջա-
նային հիվանդանոց անեսթեզիոլոգ-ռեանիմատոլոգի մասնագիտությամբ:
1982-ին անցել է վերապատրաստման դասընթացներ, խորացել է թերապևտի
մասնագիտության մեջ, 1984-ին վերամասնագիտացել է, բացել գաստրոէնտերոլո-
գիական կաբինետ ու աշխատել մինչև 1989 թվականը:
1992 թվականին Աշխարհաբեկ Մեհրաբյանի նախաձեռնությամբ հիվանդանո-
ցում հիմնադրվել է վերակենդանացման բաժանմունքը, և նա ստանձնել է այդ բաժան-
մունքի վարիչի պարտականությունը, աշխատել մինչև 2008 թվականը: Այսօր էլ նա
աշխատում է վերակենդանացման բաժանմունքում:
1992 թվականի գարնանը մեկնել է Ղարաբաղ, մասնակցել պատերազմին: Եղել է
Մարտակերտի թիկունքում, ընդունել վիրավոր ազատամարտիկներին: Շուշիի գրավ-
ման ժամանակ եղել է Ստեփանակերտում:
Հայոց բանակի կազմավորման 20-րդ տարելիցի կապակցությամբ նա պարգևա-
տրվել է մեդալներով, ստացել պատվոգրեր առողջապահության նախարարության,
ինչպես նաև Աբովյանի հիվանդանոցի ու Աբովյանի քաղաքապետարանի կողմից:
2009 թվականին վերամասնագիտացել է որպես ընտանեկան բժիշկ ու աշխատել
մինչև 2010 թվականը:
1972-1974 թվականներին սովորել և ավարտել է հասարակական մասնագիտու-
թյունների ֆակուլտետի ժուռնալիստիկայի բաժինը և ստացել ժուռնալիստի որակա-
վորում:
Վաստակաշատ բժիշկը հեղինակ է բազմաթիվ հոդվածների, որոնք տարբեր տա-
րիներին տպագրվել են մամուլում: Թղթակցել է բազմաթիվ թերթերի ու ամսագրերի,
հատկապես՝ «Ապագա բժիշկ», «Արշալույս», «Ավանգարդ», «Երեկոյան Երևան»,
«Առողջապահություն», այժմ՝ էլ մարզային «Կոտայք» թերթին: Մասնագիտական
խորհուրդներով և զեկույցներով ելույթ է ունեցել «Աբովյան» և «Նարեկ» հեռուստա-
ալիքներով:
Մինչև այժմ էլ բժիշկ Աշխարհաբեկ Մեհրաբյանը, ունենալով իր աշխատանքի
հանդեպ մեծ պատասխանատվություն և սրտացավ վերաբերմունք յուրաքանչյուր
հիվանդի նկատմամբ, շարունակում է աշխատել նույն նվիրվածությամբ իրեն վաղուց
հարազատ դարձած կոլեկտիվի հետ Աբովյանի հիվանդանոցի վերակենդանացման
բաժանմունքում: