ՍԻՄՈՆՅԱՆ ՀՐԱՉՅԱ ԲԱՐԵՂԱՄԻ
ՀՐԱՉՅԱ ՍԻՄՈՆՅԱՆ
Հրաչյա Բարեղամի Սիմոնյանը ծնվել է 1947 թվականի սեպտեմբերի 10-ին Կոտայքի մարզի Գեղաշեն գյուղում (նախկինում՝ Հրազդան):
1954-1955 ուստարում ընդունվել և 1964-1965-ին ավարտել է Հրազդանի (այժմ՝ Գեղաշեն) միջնակարգ դպրոցի 11-րդ դասարանը:
1968 թվականի փետրվարի 6-ին Հրաչյա Սիմոնյանն ընդունվել է Երևանի պատանի հանդիսատեսի թատրոն որպես դերասան:
1970 թվականին ընդունվել է Երևանի գեղարվեստաթատերական ինստիտուտ և ավարտել այն 1974-ին՝ թատրոնի դերասանի մասնագիտությամբ:
1974-ին զորակոչվել է խորհրդային բանակ:
1979 թվականին ընդունվել է աշխատանքի հայկական հեռուստատեսության առաջին ալիքի «Մարդու իրավունքները» ստեղծագործական միավորումում որպես 3-րդ կարգի ռեժիսոր:
1984 թվականին նա արժանացել է 2-րդ կարգի ռեժիսորի կոչման:
1988 թվականին՝ Սպիտակի ավերիչ երկրաշարժի օրերին, Հրաչյա Սիմոնյանը եղել է Գյումրիում, Սպիտակում, կատարել բազմաթիվ նկարահանումներ՝ ապրելով Սպիտակի ժողովրդի ծանր վիշտը:
Արցախյան պատերազմի տարիներին նա Շուշիում նույնպես ժողովրդի հետ էր:
1999 թվականի հունիսի մեկին նրան շնորհվել է ռեժիսորի բարձր կոչում (հանրապետության ս/մ-ում):
2000 թվականի հունիսի 6-ին տեղափոխվել է ՀՀ կառավարությանն առընթեր միջազգային փախստականների վարչություն, նշանակվել աշխատանքի վարչության պետի աշխատակազմում որպես առաջատար մասնագետ, մամլո քարտուղար և աշխատել մինչև 2005 թվականը:
Հրաչյա Սիմոնյանն աշխատանքի ընթացքում կատարել է շատ նկարահանումներ, որոնք խոսում են տաղանդավոր ռեժիսորի վարպետության մասին:
Նա ամուսնացած էր, ունի 4 երեխա:
Մահացել է 2010 թվականի սեպտեմբերին: